Mbërrijnë në Tiranë 267 ushtarakë amerikane, kapitenia Demores nxit gratë shqiptare të bëhen pjesë e ushtrisë

Kapitenia Stephanie Demores bën pjesë në grupin e parë të ushtarakëve amerikanë që mbërritën në Shqipëri në kuadër të “Defender Europe 21″. Stërvitja shumëkombëshe e drejtuar nga shtetet e bashkuara, i ka dhënë mundësi nënës së tre fëmijëve të njohë Shqipërinë, ku thotë se do të kalojë pushimet.

“Vendi juaj është shumë i bukur, ka male, që ne në Florida nuk i kemi. Do kisha shumë dëshirë të kthehesha. Kam kohë që i kërkoj bashkëshortit të më dërgojë me pushime, kam përshtypjen se do ta sjell këtu. Ka vështirësitë e veta të jesh grua në ushtri. Kam 3 fëmijë dhe im shoq po kujdeset për ta në shtëpi”, shprehet ushtarakja amerikane.

Kapitenia Demores inkurajon gratë, përfshirë dhe ato shqiptare të bëhen pjesë e ushtrisë. Të tilla kishte dhe ndër radhët e 267 ushtarakëve të tjerë amerikanë që mbërritën këtë të diel në Rinas për t’iu bashkuar stërvitjes.

“Kam rreth 2000 ushtarë të tjerë që do të vijnë këtu javën e ardhshme. Ne jemi këtu për të punuar me aleatet e NATO-s dhe forcat partnere. Duam të sigurojmë që mund të ruajmë paqen në zonë. Dhe në saj të përpjekjeve tona t’i tregojmë mbështetjen NATO-s dhe aleatëve tonë”, tha komandanti, Blake Glass.

Ambasadorja e SHBA në Tiranë, Yuri Kim gjatë pritjes në aeroportin e Rinasit të trupave amerikane, deklaroi se në total në vendin tonë do të vijnë 6 mijë trupa ndërsa theksoi se nga ana e SHBA janë shpenzuar 35 milionë dollarë gjatë stërvitjes.

“Kjo është stërvitja ushtarake e drejtuar nga amerikanët më e madhe e zhvilluar ndonjëherë në Ballkanin Perëndimor. Shqipëria është shteti kryesor mikpritës në të gjithë vendet e Ballkanit. Është shumë e rëndësishme, historike. Nuk ka vetëm përfitime ushtarake nga kjo stërvitje , por ka sjellë punë , injektim monetar në ekonominë vendase. Deri më tani ushtria amerikane ka shpenzuar 35 milionë dollar në Shqipëri. Duke punësuar shoferë, punëtorë ndërtimi. Pra është diçka e madhe”, tha ambasadorja Kim.

This year, more than 26,000 multinational forces from 27 nations will conduct nearly simultaneous operations across more than 30 training areas in more than a dozen countries from the Baltics to the strategically important Balkans and Black Sea Region. #StrongerTogether pic.twitter.com/o39DgSdEVx

— USEmbassyTirana (@USEmbassyTirana) May 16, 2021

Deri në fillim të qershori në Shqipëri do të zhvillohen stërvitje ku përfshihen dhe qitjet e drejtpërdrejta, ato mbrojtëse ajrore, raketore apo dhe detare. Në javët e ardhshme do të vijnë mbi 6000 ushtarë të tjerë në vendin tonë ku janë ndërtuar 7 nga 30 bazat e stërvitjes. “Defender Europe 21” zhvillohet njëkohësisht në 16 shtete, në 12prej tyre janë ndërtuar baza sërvitore për 28 mijë ushtarët që marrin pjesë në të.

Today, @USAmbAlbania Yuri Kim welcomed soldiers from the 53rd Infantry Brigade Combat Team as they arrived in 🇦🇱. They are here to participate in #Defender21 training exercises, helping ensure that the 🇺🇸 & NATO forces are trained, interoperable, & ready to respond to any threat. pic.twitter.com/tkFy1vQB9G

— USEmbassyTirana (@USEmbassyTirana) May 16, 2021

LEXONI GJITHASHTU:

“Defender 21”, Yuri Kim: SHBA ka shpenzuar 35 milionë dollarë në Shqipëri