Kina: Përmirësimi i marrëdhënieve SHBA–Rusi kontribuon në paqen në botë
Ndërsa Shtetet e Bashkuara të Amerikës dhe Rusia po shfaqin shenja riangazhimi diplomatik, Kina ka deklaruar se përmirësimi i marrëdhënieve mes dy fuqive kontribuon pozitivisht në paqen dhe stabilitetin global.
“Rusia dhe SHBA-ja janë anëtarë të përhershëm të Këshillit të Sigurimit të OKB-së dhe vende të mëdha me ndikim”, deklaroi zëdhënësi i Ministrisë së Jashtme kineze, Guo Jiakun, në një konferencë për shtyp të mbajtur në Pekin.
“Kina mirëpret përmirësimet në lidhjet Rusi–SHBA që kontribuojnë në paqen dhe stabilitetin në botë”, shtoi ai.
Marrëdhëniet mes dy vendeve kanë qenë në nivelet më të ulëta historike pas nisjes së luftës së Rusisë në Ukrainë në shkurt të vitit 2022. Megjithatë, Presidenti amerikan Donald Trump, në mandatin e tij të dytë që nisi në janar, ka ndërmarrë hapa për të riforcuar kanalet e komunikimit me Moskën.
SHBA dhe Rusia kanë zhvilluar bisedime në Arabinë Saudite dhe Turqi, kanë rivendosur nivelet e personelit në misionet diplomatike dhe po shqyrtojnë mundësi bashkëpunimi ekonomik.
Në një deklaratë të bërë të hënën, Presidenti Trump kërcënoi me sanksione të reja dhe tarifa dytësore, nëse Moska nuk i jep fund luftës në Ukrainë brenda “10 ose 12 ditësh”. Ky afat i ri vjen shumë më herët sesa ai i mëparshmi prej 50 ditësh, i cili do të skadonte rreth fillimit të shtatorit.
LEXONI GJITHASHTU:
Disa sulme me sëpatë në Skoci, plagosen 5 persona. Autori vihet në pranga (VIDEO)
Vance niset drejt Zvicrës, zbulon prioritetet kryesore për negociatat me Iranin
Mohammad Bagher Ghalibaf kryeson delegacionin e i Iranit për bisedimet me SHBA në Zvicër
- 00:05 Gjermania mund me vështirësi Bregun e Fildishtë në minutat shtesë
- 23:58 Protestuesit qëndrojnë në shesh, pritet ta gdhijnë para Kryeministrisë. Marshime edhe në rrugët e Tiranës
- 23:45 Disa sulme me sëpatë në Skoci, plagosen 5 persona. Autori vihet në pranga (VIDEO)
- 23:30 Vance niset drejt Zvicrës, zbulon prioritetet kryesore për negociatat me Iranin
- 23:21 Rama të hënën vizitë në Paris, Euronews Albania zbulon detaje nga agjenda
- 23:06 Çepani: Shqipëria do jetë ndryshe pas kësaj proteste, gjithçka do ndryshojë