PAMJE/ Dy të plagosur pas përleshjes me thika në Vlorë, shoqërohen disa persona

Policia e Vlorës ka dalë me një komunikatë për shtyp ku tregon detaje në lidhje me plagosjen e dy të rinjve mbrëmjen e së shtunës në këtë qytet.

Sipas policisë, ngjarja ka ndodhur rreth orës 21:30 në lagjen Uji i Ftohtë, pranë rrethrrotullimit të Skelës, ku dyshohet se 32-vjeçari I.H. është konfliktuar me mjete prerëse me bashkëmoshatarin e tij K.K.

Policia njofton se të dy 32-vjeçarët kanë marrë dëmtime, ndërsa ndodhen në spital jashtë rrezikut për jetën.

Euronews Albania sjell pamje nga shoqërimi i disa personave nga policia e Vlorës pas mbërritjes në vendin e sherrit.

Njoftimi i plotë i policisë

Sot, rreth orës 21:30, në lagjen “Uji i Ftohtë”, pranë rrethrrotullimit të Skelës, dyshohet se për motive të dobëta janë konfliktuar me mjete të mprehta shtetasit I.H., 32 vjeç dhe K.K., 32 vjeç.

Të dy personat kanë marrë dëmtime, jashtë rrezikut për jetën dhe ndodhen në spital duke marrë ndihmë mjekësore.

Grupi hetimor po punon për sqarimin e plotë të rrethanave të ngjarjes dhe dokumentimin ligjor të saj.

LEXONI GJITHASHTU:

• Sherr me thika mes të rinjve në Vlorë, dy të plagosur përfundojnë në spital
• I riu plagoset me armë zjarri te Fresku në Tiranë, çfarë thotë policia