Bariu gjendet i plagosur me çifte në stanet e Bolenës, çfarë dyshohet

Një ngjarje e rëndë është shënuar në fshatin Bolenë të Vlorës, ku një bari i zonës është gjetur i plagosur me armë zjarri, çifte.

Ngjarja ka ndodhur në stanet e zonës, ku 46-vjeçari P.B del zakonisht me bagëtitë, ndërsa ende nuk dihen rrethanat e incidentit.

Paraprakisht, nga burime policore bëhet me dije se dyshohet që bariu të jetë vetëplagosur aksidentalisht me armën e gjahut të cilën e kishte në pronësi me leje.

Megjithatë, pritet dëshmia e tij dhe hetimet janë në vijim për të përcaktuar saktësisht rrethanat e ngjarjes.

Menjëherë pas plagosjes, ai është transportuar me urgjencë në spitalin e Vlorës, ku ndodhet nën kujdesin e mjekëve.

Burime nga stafi mjekësor bëjnë me dije se i plagosuri ndodhet jashtë rrezikut për jetën.

Njoftimi i policisë

“Specialistët për Hetimin e Krimeve në Komisariatin e Policisë Himarë referuan materiale për vlerësim, pasi më datë 04.08.2025, rreth orës 23:00, shtetasi P. B., 46 vjeç, në stanin e tij në fshatin Bolenë, dyshohet se është vetëplagosur aksidentalisht me armën e gjahut të llojit çifte, të cilën e kishte në pronësi me leje. 46-vjeçari është në spital, jashtë rrezikut për jetën”, thuhet në njoftim.

LEXONI GJITHASHTU:

• Gjendet i vrarë me armë zjarri 65-vjeçari në Vaun e Dejës, detajet e para
• Një tjetër humbje e madhe për sportin elbasanas dhe atë shqiptar