Karol Nawrocki betohet si President i Polonisë

Presidenti i sapozgjedhur i Polonisë, Karol Nawrocki, bëri betimin sot në Parlamentin polak, duke marrë zyrtarisht detyrën.

Në fjalimin e tij, ai tha se do të jetë zëri i të gjithë polakëve që duan që vendi të ruajë sovranitetin e tij brenda Bashkimit Evropian.

Ai shtoi se është kundër migrimit të paligjshëm dhe miratimit të euros si monedhë e përbashkët, si dhe rritjes së moshës së daljes në pension.

Zgjedhja e tij, e cila u mbështet nga partia nacionaliste e opozitës Pravo i Pravda (PiS), paralajmëron një shtrëngim të mundshëm të marrëdhënieve me qeverinë qendrore të kryeministrit Donald Tusk dhe një kurs të ndryshëm në politikën ndaj Ukrainës, sipas Reuters.

Si president, Nawrocki ka të drejtën e vetos për ligjet, të cilat mund të pengojnë punën e qeverisë, veçanërisht në lidhje me reformat gjyqësore të zbatuara nga PiS, të cilat kritikët i shohin si kërcënim për pavarësinë e gjyqësorit.

Navrocki njoftoi gjithashtu masa të tilla si ulja e taksave, të cilat janë të njohura në mesin e votuesve, por të vështira për t’u zbatuar në kushtet e kufizimeve buxhetore.

Kryeministri i Polonisë, Donald Tusk, i cili më parë bashkëpunoi me tre presidentë, tha shkurt në rrjetin social X: “Si do të jetë me të katërtin? Do t’ia dalim.”

LEXONI GJITHASHTU:

• Polonia vendos kontrolle kufitare me Gjermaninë dhe Lituaninë
• Polonia do të evakuojë dhjetëra qytetarë nga Izraeli ditët në vijim