“Çeço Fest”, bashkëkohorja takon historinë në kalanë e Gjirokastrës

“Çeço Fest” u rikthye këtë vit në edicionin e tij të gjashtë, duke sjellë dy netë me muzikë elektronike në kalanë e Gjirokastrës.

Mbi 15 DJ vendas dhe të huaj performuan në dy skena të ngritura brenda kështjellës, përpara  një publiku të shumtë të përbërë nga të rinj dhe turistë.

Organizatorët shprehen se synimi i “Çeço Fest” është të ofrojë një event të përvitshëm që promovon jo vetëm muzikën elektronike, por edhe Gjirokastrën si destinacion turistik.

Përgjatë këtij sezoni vere në Gjirokastër po organizohen aktivitete të shumta kulturore dhe artistike, të cilat gjallërojnë qytetin e gurtë dhe tërheqin turistët.