Mblidhet sërish sot Komisioni Hetimor për Metën, seancë dëgjimore për presidentin

Komisioni Hetimor për Presidentin Ilir Meta zhvillon sot mbledhjen e radhës, ku në rendin e ditës ka parashikuar një seancë dëgjimore me kreun e shtetit për të bërë një ballafaqim të akuzave dhe qëndrimeve të tij.

Nuk dihet ende nëse Meta do të shkojë në këtë seancë dëgjimore, pasi që prej ditës së djeshme ndodhet në Slloveni në kuadër të procesit të Brdo-Brijonit

Sakaq, në mbledhjen e ditës së hënë, në Komisionin Hetimor u transmetuan deklaratat e Metës në televizione dhe deklaratat për shtyp si dhe të gjitha postimet e tij në rrjetet sociale, të cilat do të përdoren si prova për shkeljet që ai pretendohet se i ka bërë Kushtetutës.

Pas seancës së sotme, pritet që në 24 maj që të prezantohet raporti final i Komisionit Hetimor që më pas do t’i drejtohet dhe seancës plenare.

Gjykata Kushtuese është institucioni i fundit i cili do të japë vendimin për presidentin në lidhje me nismën e socialistëve për shkarkimin e tij.

49 deputetët socialistë firmosën kërkesën për shkarkimin e Metës, të cilën e depozituan në Kuvend, pasi pretendojnë se kreu i shtetit ka shkelur Kushtetutën para dhe gjatë procesit zgjedhor.

Lexoni gjithashtu:

Shkarkimi i presidentit | Miratohet plani hetimor, caktohen 2 ekspertët ligjorë

Komisioni Hetimor për Metën, Alket Hyseni: Më 18 maj seancë dëgjimore me presidentin

Meta në Slloveni për 10-vjetorin e Procesit të Brdo-Brijunit, ndërsa sot vijon punën komisioni hetimor ndaj tij