FOTO/ Pushuesit konstatojnë një trup të pajetë në plazhin e Vlorës, mbërrin policia

Një person është gjetur pa shenja jete në breg të detit, në zonën e Plazhit të Vjetër në Vlorë.

Ngjarja është konstatuar nga pushuesit, të cilët kanë njoftuar menjëherë policinë.

Efektivët kanë mbërritur në vendngjarje dhe po punojnë për identifikimin e viktimës, si dhe për zbardhjen e rrethanave të vdekjes.

Njoftimi i policisë

“Sot, në vendin e quajtur “Plazhi i Vjetër”, është gjetur pa shenja jete dyshohet si pasojë e një arresti kardiak, në det, një shtetas ende i paidentifikuar, i seksit mashkull, rreth moshës 70 vjeç.

Grupi hetimor vijon punën për identifikimin e këtij shtetasi, si dhe zbardhjen e plotë të rrethanave të rastit”, thuhet në njoftim.