“Takim i neveritshëm”, mediat ukrainase: Lideri i botës së lirë i dorëzohet vrasësit

“I neveritshëm, i turpshëm dhe, në fund të fundit, i kotë”. Me këto fjalë e përshkruan takimin mes Donald Trump dhe Vladimir Putin gazeta ukrainase “Kyiv Independent”, në një editorial ku krahason pritjen me të gjitha nderet që presidenti amerikan i rezervoi homologut rus, që bie ndesh me pritjen poshtëruese që i bëri Volodymyr Zelenskyt në shkurt në Shtëpinë e Bardhë.

“Trump nuk e mori dot atë që donte, po Putin? Ai sigurisht që po. Ai vetëm merr”, ka shruar gazeta në edicionin e saj online.

Sipas editorialit, gjithçka u kuptua që nga momenti kur Putin zbriti nga avioni në territorin amerikan, gjë që sipas saj është e papranueshme.

“Fundërrina ndërkombëtare po merrte pranimin dhe respektin e liderit të botës së lirë. Paraardhësi i Trump e cilësoi dikur Putinin një “vrasës”. Ndërsa Trump i rezervoi një pritje mbreti”, thuhet në editorial.

Artikulli i “Kiev Independent” i referohet në veçanti tapetit të kuq të shtruar në minutën e fundit për kreun e Kremlinit, shtrëngimin e ngrohtë të duarve, fluturimit të skuadriljes së avionëve amerikanë dhe xhiros në limuzinën e presidentit të Shteteve të Bashkuara.

“Sjellja miqësore bie ndesh me pritjen armiqësore që Trump i rezervoi Zelenskyt 6 muaj më parë në Dhomën Ovale. Presidenti ukrainas u poshtërua publikisht, ndërsa ai rus u mor me të mirë. Të dyja episodet janë të turpshme”, thotë gazeta.

LEXONI GJITHASHTU:

• Takimi në Alaskë, Starmer: Trump na ka sjellë më afër se kurrë përfundimit të luftës
• Trump i dorëzoi Putinit një letër personale nga gruaja e tij Melania