Harta/ Territoret e mundshme që do përfshihen në marrëveshjen e paqes Rusi-Ukrainë

Një pjesë e madhe e diskutimeve mbi një marrëveshje të mundshme paqeje në Ukrainë përqendrohen në rajonet e Donetskut dhe Luhanskut, të njohura zakonisht si Donbasi.

Raportohet se Vladimir Putin i ka paraqitur Donald Trumpit në Alaskë të premten një ofertë paqeje, e cila kërkon që Ukraina të tërhiqet nga rajoni i Donetskut, ndërsa në këmbim Rusia do të ngrijë vijat e frontit në Zaporizhzhia dhe Kherson.

Luhansku është tashmë thuajse plotësisht nën kontroll rus. Por vlerësohet se Ukraina mban ende rreth 30% të Donetskut, përfshirë disa qytete dhe fortifikime kyçe, me kosto dhjetëra mijëra jetësh ukrainase.

Të dy rajonet së bashku të njohura si Donbasi janë të pasura me minerale dhe industri.

Zelenski ka deklaruar se Ukraina do të refuzojë çdo propozim rus për të hequr dorë nga Donbasi, duke paralajmëruar se kjo mund të shfrytëzohet si një bazë për sulme të ardhshme.

Ai gjithashtu ka përmendur Kushtetutën e vendit, e cila kërkon një referendum para ndryshimit të territorit.

Të paktën 1.5 milionë ukrainas kanë ikur nga Donbasi që nga fillimi i agresionit rus në 2014. Më shumë se tre milionë mendohet të jetojnë nën okupimin rus, ndërsa rreth 300,000 janë në zonat që Ukraina i kontrollon ende.

LEXONI GJITHASHTU:

• 25 të vrarë në një sulm në Donetsk, zyrtarët pro-rusë akuzojnë Ukrainën
• Zelensky refuzon propozimin e Putinit për dorëzimin e rajonit të Donbasit