62 raste të reja dhe tetë të vdekur nga COVID-19 në Kosovë

Gjatë 24 orëve të fundit në Kosovë, janë raportuar 62 raste të reja me COVID-19, ndërsa tetë persona e kanë humbur betejën me virusin.

Numri i rasteve pozitive ka dalë nga 4.049 testime të kryera, ku vërehet një rritje e numrit të testimeve dhe në raport me këtë, numri i rasteve të reja nuk është alarmant.

Gjatë 24 orëve të fundit, janë shëruar 379 pacientë, ndërsa numri i përgjithshëm i të shëruarve deri më sot në Kosovë është gjithsej 100.612.

Aktualisht 4.218 janë aktivë me COVID-19 në Kosovë, ndërsa që prej fillimit të pandemisë kanë rezultuar pozitivë 107.065 persona. Numri total i vdekjeve në Kosovë që prej fillimit të pandemisë është 2.235.