Valias, humb jetën 51-vjeçari pasi bie në kontakt me energjinë elektrike

Një ngjarje tragjike është shënuar pasditen e sotme në zonën e Valiasit, ku një 51-vjeçar ka humbur jetën, pasi dyshohet se ka rënë në kontakt me energjinë elektrike gjatë punës për riparimin e një defekti.

Sipas informacioneve paraprake të bëra publike nga policia, rreth orës 16:45, shtetasi A. L., rreth 51 vjeç, ka humbur jetën në rrethana që dyshohet se lidhen me një incident elektrik.

“Rreth orës 16:45, në Valias, shtetasi A. L., rreth 51 vjeç, dyshohet se gjatë kohës që po rregullonte një defekt elektrik ka rënë në kontakt me energjinë elektrike, dhe për pasojë ka humbur jetën”, thuhet në njoftimin zyrtar të policisë.

Në vendin e ngjarjes ndodhet grupi hetimor, i cili po punon për të zbardhur rrethanat e plota të këtij rasti.