Tërmeti në Afganistan: Rritet bilanci i viktimave në 900

Ekipet e shpëtimit po vazhdojnë të gërmojnë në lindjen malore të Afganistanit për të gjetur të mbijetuar, të martën, teksa numri i të vdekurve nga një tërmet i fuqishëm ka kaluar 900, ka bërë të ditur një zyrtar.

Ai ka thënë se edhe 3.000 persona janë lënduar si pasojë e tërmetit, raporton AP.

“Të lënduarit po evakuohen, prandaj këto shifra mund të ndryshojnë dukshëm”, ka njoftuar Yousaf Hammad, zëdhënës i Autoritetit Kombëtar për Menaxhimin e Katastrofave në Afganistan.

“Tërmeti shkaktoi rrëshqitje dheu në disa zona, duke bllokuar rrugë, por ato janë rihapur, dhe rrugët e mbetura do të rihapen për të mundësuar qasjen në zonat që ishin vështirë të arritshme”, ka bërë të ditur ai.

Tërmeti prej 6.0 ballësh goditi në natën e së dielës në disa provinca, duke rrafshuar fshatra dhe duke i lënë njerëzit të ngujuar nën rrënojat e shtëpive të ndërtuara kryesisht me tulla prej balte dhe me drurë, dhe të tronditur nga fatkeqësia.

LEXONI GJITHASHTU:

• Ambasadori amerikan në NATO: SHBA-ja do stabilitet në Ballkanin Perëndimor
• “Ka vdekur, mos e kërkoni”- Detaje nga gjetja e trupit të 30-vjeçarit në Spanjë