Tragjedi në Ukrainë: 25-vjeçari vret motrën e mitur pas një grindjeje

Një ngjarje e rëndë ka tronditur qytetin Bila Tserkva në Ukrainë, ku një 25-vjeçar vrau motrën e tij 17-vjeçare, pas një konflikti që përshkallëzoi në dhunë fizike.

Sipas mediave ukrainase, ngjarja ndodhi ditën e djeshme, kur vëllai, gjatë një grindjeje me motrën, e goditi atë me thikë në qafë. Vajza humbi jetën në vend, para mbërritjes së ambulancës.

Autori është ndaluar nga autoritetet, ndërsa ndaj tij është hapur hetim për “vrasje me paramendim”, në bazë të Kodit Penal të Ukrainës.

Burime nga hetimi bëjnë me dije se prindërit nuk ndodheshin në shtëpi në momentin e ngjarjes dhe se familja nuk ishte identifikuar më parë si problematike nga institucionet ligjzbatuese apo shërbimet sociale.

Autoritetet po hetojnë motivet dhe rrethanat e plota të kësaj ngjarje.

LEXONI GJITHASHTU:

• Grossi: Në Siri kemi gjetur gjurmë të uraniumit, pjesë e një programi bërthamor
• Izraeli shpall tokë shtetërore 45 hektarë tokë shtetërore të Bregut Perëndimor