Roja humb jetën në Tiranë pasi e zuri porta e objektit ku punonte, dy të proceduar

Një ngjarje tragjike është shënuar në Tiranë, ku një 68-vjeçar, i punësuar si roje në një subjekt privat, ka humbur jetën në mënyrë aksidentale.

Sipas njoftimit zyrtar të Policisë, viktima, shtetasi G. G., 68 vjeç, ka humbur jetën pasi gjatë mbylljes së portës hyrëse të objektit ku punonte, ajo është shkëputur dhe e ka zënë poshtë, duke i shkaktuar vdekjen e menjëhershme.

Në lidhje me ngjarjen, pas komunikimit me Prokurorin e çështjes, janë proceduar penalisht në gjendje të lirë dy persona: shtetasja E. Dh., 40 vjeçe, pronare e subjektit, dhe K. K., 69 vjeç, me detyrë drejtues teknik i firmës.

Njoftimi i plotë i policisë

“Specialistët për Hetimin e Krimeve të Komisariatit të Policisë Nr. 7, pas komunikimit me Prokurorin, nisën procedimin në gjendje të lirë për shtetasit E. Dh., 40 vjeçe dhe K. K., 69 vjeç, me detyrë drejtues teknik të një firme, pasi ditën e djeshme, shtetasi G. G., 68 vjeç, me detyrë roje në subjektin e shtetases E. Dh dhe i punësuar nga shtetasi K. K., gjatë mbylljes së portës hyrëse të objektit, është zënë poshtë prej saj. Si pasojë, 68-vjeçari ka humbur jetën.”

Hetimet për rastin vijojnë nga ana e autoriteteve për të zbardhur rrethanat e plota të ngjarjes.

LEXONI GJITHASHTU:

• Dy fëmijë me skuter elektrik përplasen nga makina në Tiranë, arrestohet 18-vjeçari
• Qëlloi me thikë mësuesen në Gjermani, policia arreston dhe plagos me armë shqiptarin
• Dyshohet se përdhunoi 18-vjeçaren italiane në plazh, arrestohet i riu në Durrës