Dyshohet se përdhunoi 18-vjeçaren italiane në plazh, arrestohet i riu në Durrës

Një ngjarje e rëndë ka ndodhur në orët e para të mëngjesit të së premtes në Durrës, ku dyshohet se një adoleshente 18-vjeçare italiane është abuzuar seksualisht nga një 26-vjeçar, person me precedent të theksuar kriminal.

Sipas njoftimit të policisë në lidhje me këtë ngjarje është arrestuar Leonardo Preza i dënuar më parë për armëmbajtje pa leje dhe vjedhje.

“Arrestimi i shtetasit L. P. u krye pasi, rreth orës 05:25 të mëngjesit të datës 05.09.2025, në shezlongët përballë një hoteli në lagjen 13, ky shtetas ka kryer marrëdhënie seksuale me dhunë me një 18-vjeçare shtetase italiane”, thuhet në njoftim.

Njoftimi i policisë

“Strukturat e hetimit të Krimit në Drejtorinë Vendore të Policisë Durrës, pas njoftimit të marrë se një shtetas kishte kryer marrëdhënie seksuale me dhunë dhe duke i shkaktuar dëmtime fizike një 18-vjeçareje italiane, menjëherë organizuan punën për identifikimin dhe kapjen e autorit.

Pas disa orësh hetimesh dhe veprimesh profesionale, u bë e mundur identifikimi i autorit, lokalizimi, kapja dhe arrestimi i tij në flagrancë, konkretisht shtetasi L. P., 26 vjeç, banues në lagjen nr. 13, Durrës, i dënuar më parë.

Arrestimi i shtetasit L. P. u krye pasi, rreth orës 05:25 të mëngjesit të datës 05.09.2025, në shezlongët përballë një hoteli në lagjen 13, ky shtetas ka kryer marrëdhënie seksuale me dhunë me një 18-vjeçare shtetase italiane.

Materialet hetimore do t’i kalohen Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprën penale “Marrëdhënie seksuale ose homoseksuale me dhunë me të mitur të moshës 14–18 vjeç”, thuhet në njoftim.

LEXONI GJITHASHTU:

• Pamje nga aksidenti i rëndë në Dukat/ Plagosen 4 të rinj, 2 në gjendje të rëndë
• EMRI/ Konflikt mes të rinjve në Durrës, arrestohet 27-vjeçari që qëlloi me shotgun