Prokurimet Publike me IA, Rama: Synojmë të  kemi modelin e parë në Europë

Në konferencën Ndërkombëtare për Qeverisje, kryeministri Edi Rama deklaroi se Shqipëria synon që të ketë modelin e parë në Europë të prokurime publike me inteligjencë artificiale.

Qeveria synon që Shqipëria të ketë modelin e parë në Europë të prokurimeve publike me inteligjencë artificiale. Kështu deklaroi kryeministri Rama në konferencën Ndërkombëtare për Qeverisje, në një panel me fokus tek procesi i integrimit.

“Do të jetë komplet me inteligjencë artificiale nga A-ja te Zh-ja dhe kjo do i bëjë prokurimet publike absolutisht transparente dhe nuk do të jetë fare e kontestueshme. Ndoshta një prej efekteve anësore do të jetë se shumë persona nuk do të dëshirojnë më të merren me politikë, por në rregull. Është në rregull, punë e madhe. Ky ndoshta do të jetë një efekt, sepse prokurimet publike janë një arsye shumë e mirë pse personat merren me politikë.”-tha Rama.

Sipas Ramës, modeli që Shqipëria do të krijojë me prokurimet publike përmes inteligjencës artificiale mund t’ua eksportojë vendeve të tjera nëse do të ketë sukses. Po ashtu, Rama tha se tekologjia e ka ndihmuar vendin të bëj hapa të pamundura falë shërbimit online që iu ka dhënë qytetarëve.

“Teknologjia e re, mund të na japë shteteve si ne, mundësinë që të bëjmë hapa të cilët ndryshe do të ishin të pamundur. Pra thjesht imagjinoni, nëse teknologjia digjitale nuk do të ishte e zbatueshme, si do të kishim ne mundësinë që të jemi në atë pozicion dhe të ofronin me qindra-mijëra shërbime online”-tha Rama.