“Mos vallë më qëlloi një AR-15?”, postimi i 11 viteve më parë i Kirk bëhet viral

Një postim i 11 viteve më parë në Twitter nga aktivisti konservator Charlie Kirk po qarkullon sërish në rrjet, pas vrasjes së tij me armë zjarri gjatë një aktiviteti publik në Utah.

31-vjeçari u qëllua për vdekje mbrëmjen e së mërkurës (10 shtator), teksa po mbante një debat në Universitetin e Luginës së Utah, në kuadër të organizatës së tij politike, Turning Point USA.

Ngjarja ndodhi vetëm 20 minuta pasi ai kishte nisur fjalimin, përpara një audience prej afro 3,000 personash.

Në video amatore të publikuara menjëherë pas ngjarjes, Kirk shihet teksa rrëzohet në karrige, ndërsa turma shpërthen në panik.

Pas atentatit, është rikthyer në vëmendje një postim i vitit 2014 nga vetë Kirk, ku ai shkruante me ironi:

“Mos vallë më qëlloi një AR-15? Kështu më duket”, — shkroi ai më 23 qershor 2014.
Postimi po qarkullon me shpejtësi në platformën X (ish-Twitter), duke marrë mijëra shpërndarje në pak orë.

Edhe pse autoritetet nuk kanë konfirmuar ende llojin e armës së përdorur, spekulimet flasin për një AR-15, një pushkë gjysmë-automatike shumë e përhapur në SHBA. Mendohet se rreth 25 milionë të tilla ndodhen në duart e civilëve amerikanë.

Did I just get shot by an AR-15? Feels like it.

— Charlie Kirk (@charliekirk11) June 22, 2014

LEXONI GJITHASHTU:

• Kush ishte Charlie Kirk, aleati i Trump që u vra gjatë një aktiviteti live në Utah
• “A po i numërojmë bandat?”, fjalët e fundit të Charlie Kirk përpara se të vritej