Një klerik ndihmoi në dorëzimin e të dyshuarit për vrasjen e Charlie Kirk

Detaje të reja kanë dalë në dritë në lidhje me arrestimin e Tyler Robinson, i dyshuari kryesor për vrasjen e analistit konservator Charlie Kirk.

Sipas burimeve nga forcat e rendit të konfirmuara nga CBS News, babai i të dyshuarit ka luajtur një rol vendimtar në dorëzimin e të birit tek autoritetet. Pas rrëfimit të Robinson për krimin, babai i tij e ndau informacionin me një klerik, i cili ishte gjithashtu mik i afërt i familjes.

Ky klerik më pas kontaktoi Shërbimin e Marshalëve të SHBA-së dhe i dorëzoi informacionin, çka çoi në ndalimin e menjëhershëm të Tyler Robinson.

Më herët gjatë ditës, Presidenti Donald Trump konfirmoi në një intervistë për Fox News se një “minister” kishte ndihmuar në lokalizimin dhe arrestimin e të dyshuarit.

Ende nuk është bërë e ditur se cilës fe ose denominacion fetar i përket kleriku në fjalë.

Charlie Kirk, një figurë e njohur e lëvizjes konservatore amerikane dhe themelues i organizatës Turning Point USA, u vra javën e kaluar në një ngjarje që ka tronditur opinionin publik dhe ka ndezur debat të gjerë politik në vend.

Hetimet po vazhdojnë, ndërkohë që autoritetet pritet të japin më shumë hollësi në ditët në vijim.

LEXONI GJITHASHTU:

• Identifikohet i dyshuari: Kush është 22-vjeçari, vrasësi i Charlie Kirk
• Trump njofton arrestimin e vrasësit të Charlie Kirk: Shpresoj të dënohet me vdekje