Gjyqi në Hagë/ Rubin: Nuk ka prova që UÇK të ketë bërë trafik droge

Ish-sekretari amerikan i Shtetit, James Rubin, ka deklaruar para Prokurorisë Speciale se nuk ekzistojnë prova apo informacione që mbështesin pretendimet për përfshirjen e lidershipit të UÇK-së në urdhëra për vrasje apo krime të organizuara.

“Nuk ka asnjë informacion apo provë që të mbështesë pretendimet se udhëheqësit e UÇK-së kanë dhënë urdhra për vrasje apo janë përfshirë në krime të organizuara. Këto janë akuza të paprovuara. UÇK-ja vepronte në kushte represioni nga forcat serbe dhe nuk kishte një strukturë të mirëfilltë ushtarake,” ka thënë Rubin gjatë dëshmisë së tij.

Ai shtoi se qëllimi i bashkësisë ndërkombëtare ka qenë të ndihmojë transformimin e UÇK-së në një organizatë demokratike – proces që, sipas tij, është duke u zhvilluar me ndihmën e NATO-s dhe Kombeve të Bashkuara.

Në lidhje me akuzat për trafikim të drogës, Rubin theksoi se “nuk ka informacione të pavarura”.

LEXONI GJITHASHTU:

• Rubin: S’kam informacione që lidhin Thaçin ose Krasniqin me ekzekutime
• Rubin vijon dëshminë në Hagë: Krasniqi kërkoi dërgimin e trupave tokësore në Kosovë