Olsian Çela kërkesë ILD-së për hetim për dy prokurorë dhe kreun e prokurorisë Dibër

Prokurori i Përgjithshëm, Olsian Çela i ka kërkuar Inspektorit të Lartë të Drejtësisë nisjen e procedimit disiplinor për Belina Zeneli dhe Xhoana Mehmetaj, prokurore në Prokurorinë pranë Gjykatës së Shkallës së Parë Dibër.

Në njoftimin e Prokurorisë sqarohet se për këto dy prokurore janë konstatuar veprime, të cilat mund të përbëjnë zvarritje të rëndë të veprimtarisë procedurale, si dhe shkelje të dispozitave ligjore urdhëruese të Kodit të Procedurës Penale.

Po ashtu, kërkohet që pjesë e hetimeve të jetë edhe drejtuesi i Prokurorisë së Dibrës, Rifat Kojkun, për mënyrën në lidhje me masat e marra nga ana e tij, për të parandaluar situatën e krijuar në Prokurorinë e Rrethit Gjyqësor Dibër.

“Prokurori i Përgjithshëm mbështet të gjitha nismat që kontribuojnë në mirëfunksionimin e shërbimit të prokurorisë në të gjitha nivelet, duke synuar rritjen e llogaridhënies dhe përgjegjshmërisë së magjistratëve prokurorë gjatë ushtrimit të detyrës dhe zhdukjen e kulturës së pandëshkueshmërisë brenda institucioneve të drejtësisë”, thuhet në njoftim.

Lexoni gjithashtu:

Krimet Zgjedhore dhe vrasjet | Kryeprokurori Çela takim me prokurorët në Vlorë dhe Fier