Betohet qeveria Rama 4, mbahet ceremonia në Presidencë

Ministrat e rinj të kabinetit qeveritar Rama 4 u betuan të premten në Presidencë, një ditë pasi u votëbesuan në Parlament vetëm me votat e mazhorancës.

Ceremonia nisi në ambientet e Presidencës në orën 10:00 me nderimin e himnit kombëtar.

I pari u betua, me dorën mbi kushtetutë, kryeministri Edi Rama. Pas tij zv.kryeministrja Belinda Balluku, ministrja e Jashtme Elisa Spiropali dhe me radhë të 16 ministrat e rinj të kabinetit Rama në mandatin e katërt qeverisës të dalë nga zgjedhjet e 11 majit.

Pas betimit ministrat do të shkojnë në këmbë në Kryeministri ku do kenë mbledhjen e parë të qeverisë.

Ministrat e kabinetit Rama 4

Belinda Balluku Zëvendëskryeministër dhe Ministër i Infrastrukturës dhe Energjisë;

Albana Koçiu Ministër i Punëve të Brendshme;

Elisa Spiropali Ministër për Evropën dhe Punët e Jashtme;

Petrit Malaj Ministër i Financave;

Blendi Gonxhja Ministër i Turizmit, Kulturës dhe Sportit;

Sofjan Jaupaj Ministër i Mjedisit;

Mirela Kumbaro Furxhi Ministër i Arsimit;

Evis Sala Ministër i Shëndetësisë dhe Mirëqenies Sociale

Delina Ibrahimaj Ministër i Ekonomisë dhe Inovacionit;

Besfort Lamallari Ministër i Drejtësisë;

Pirro Vengu Ministër i Mbrojtjes;

Andis Salla Ministër i Bujqësisë dhe Zhvillimit Rural;

Ervin Demo Ministër i Shtetit për Pushtetin Vendor;

Majlinda Dhuka Ministër Shteti dhe Kryenegociator;

Adea Pirdeni Ministër i Shtetit për Administratën Publike dhe  Antikorrupsionin;

Toni Gogu Ministër i Shtetit për Marrëdhëniet me Parlamentin.