EMRAT/ Zbulohen kush janë dy viktimat në aksidentin e Shkodrës

Një aksident me pasojë vdekjen e dy personave është regjistruar pasditen e së shtunës në segmentin rrugor Shkodër–Han i Hotit.

Sipas të dhënave të para, një automjet ka dalë nga rruga dhe është përplasur me një shtyllë metalike anës saj. Përplasja ka rezultuar fatale për dy personat që ndodheshin në mjet.

Viktimat janë Valentin Bluda, 34 vjeç, që drejtonte automjetin, dhe i ati i tij Nikollë Bluda, 76 vjeç, pasagjer në makinë.

Në vendngjarje kanë mbërritur forcat e policisë dhe shërbimet mjekësore, ndërsa po kryhen veprimet procedurale për dokumentimin e plotë të rrethanave të aksidentit.

Paraprakisht dyshohet se humbja e kontrollit mbi drejtimin e automjetit ka qenë shkaku kryesor i ngjarjes, por hetimet vijojnë.

LEXONI GJITHASHTU:

• Aksident në Shkodër-Hani Hotit/ Makina përplaset me tabelën, vdesin babë e bir
• Aksident në aksin Fier-Lushnje, nëna me dy fëmijët përfundon në spital