Nisje e mbarë për Elbasanin, në krye të renditjes me 10 pikë në 4 javë

Gara në kampionatin shqiptar duket interesante në këtë fillim sezoni, aty ku Elbasani I ka bindur të gjithë me performancën në fushë. Të besuarit e Gvozdenovic po luajnë futboll të bukur ndaj do kundërshtari, teksa fitorja e radhës ishte ajo ndaj Partizanit në transfertë. Në arenën e demave u shënua vetëm një gol, por aq mjaftoi që miqtë të merrnin fitoren, që është e treta për këtë edicion.

Në minutën e 37’ Bunjaku kaloi përpara elbasanasit, por skuadra ishte këmbëngulëse vazhdimisht duke e vendosur në vështirësi kundërshtarin. Partizani provoi të reagojë, por rezultoi I pasuksesshëm, duke bërë që ndeshja të mbyllet me humbje 0-1 dhe me të kuqtë që kanë vetëm një fitore, atë në nisje në derbin me Vorën.

Egnatia mori triumfin e dytë radhazi, duke lënë pas formën negative të javëve të para, teksa kundërshtari i radhës ishte Tirana. Në Rrogozhinë lojtarët e Tetovës reaguan si duhet dhe gjetën golin në pjesën e parë me Buric. Në fraksionin e dytë ishte blerja e merkatos së verës Albanese që dyfishoi shifrat dhe dha më tepër siguri të tijve. 7 pikë në 4 javë për Egnatian dhe në anën tjetër Tirana në krizë, në vendin e fundit me vetëm 2 pikë në 4 përballje.