PSG nuk ia del në “Velodrome”, Marseille triumfon me golin e Aguerd

23 Shtator 2025 | 09:57

Në javën e 5-të të Ligue 1, Marseille mori një fitore të rëndësishme në shtëpi ndaj Paris Saint-Germain, duke fituar 1-0 falë golit të mbrojtësit maroken Aguerd në minutën e 5-të.

Ndeshja në stadiumin “Stade Velodrome” ishte e fortë, por Parisienët nuk arritën të përgjigjeshin, megjithëse mund të ngushëllohen me “Topin e Artë” të fituar nga Ousmane Dembele.

Pas kësaj humbjeje, PSG qëndron në vendin e dytë me 12 pikë, po aq sa kryesuesit e Monaco, ndërsa Marseille ngjitet në vendin e 6-të me 9 pikë.

Në një tjetër sfidë, Strasburgu mori një fitore dramatike 3-2 në transfertë ndaj Paris FC. Ekuadoriani talent Kendry Paez hapi serinë e golave në minutën e 27-të, ndërsa Guela Doue shënoi për 2-0 në minutën e 78-të.

Vendasit u rikthyen me golin e Nouha Dicko në minutën e 81-të, por Emegha shënoi golin e tretë për Strasburgun në minutën e 87-të. Megjithë golin e vonshëm të Paris FC me Gory, ishte shumë vonë për të evituar humbjen.

Monaco vazhdon të shkëlqejë, duke shkatërruar Metz-in 5-2 në shtëpi. Pas golit të hershëm të Habib Diallos në minutën e 13-të, vendasit reaguan shpejt me golat e Mika Biereth, Ansu Fati (dy gola), dhe një autogol nga mbrojtësi i Metz, Koffi Kouao, që vulosi fitoren.

Toulouse mori tri pikë të vlefshme në transfertë ndaj Auxerre, duke fituar 1-0 me golin e Danny Namaso në fund të pjesës së parë.

Edhe pse u mbrojt me një lojtar më pak që nga minuta e 64-t, pas përjashtimit të Fredrik Oppegard, Toulouse e mbajti rezultatin deri në fund.

Pas pesë javësh, Ligue 1 po paraqet një nga sezonet më të forta dhe të barabarta në vite, ku katër skuadra – PSG, Monaco, Lyon dhe Strasburgu – ndajnë vendin e parë me nga 12 pikë secila.

Në fund të tabelës, Le Havre dhe Lorient barazuan 1-1 në një ndeshje ku të dy skuadrat patën raste për të marrë më shumë pikë.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

“Opozitë e krimit”! Protestuesit nga selia e PS-së shkojnë para selisë së PD-së

Pas tubimit përballë kryeministrisë qytetarë u mblodhën fillimisht para selisë së Partisë Socialiste dhe më pas u drejtuan edhe pranë selisë së Partisë Demokratike. Protestuesit...
23:07 | 03/06/2026

Rama për median ndërkombëtare: Shqipëria nën sulm nga armiqtë dhe në luftë hibride

Kryeministri Edi Rama këtë të mërkurë ka zhvilluar një intervistë për CNN ku ka folur lidhur me protestat që po zhvillohen kundër ndërtimit në Zvërnec....
21:35 | 03/06/2026

Dita e katër e protestës kundër projektit në Zvërnec, përplasje mes policisë dhe protestuesve

Dita e katërt e protestës kundër projektit në Zvërnec ka nisur këtë të mërkurë me tensione. Situata është përshkallëzuar kur protestuesit janë hasur me kordonin...
18:47 | 03/06/2026