Dembele fiton ‘Topin e Artë’ 2025, francezi i parë pas Zidane që merr trofeun

Mes emocioneve dhe lotëve, sulmuesi i PSG-së dhe Francës, Ousmane Dembele, u shpall fituesi i ‘Topit të Artë’ 2025, duke lënë pas në garë talentin e Barcelonës, Lamine Yamal.

Ceremonia e dorëzimit u bë edhe më e veçantë nga prania e Ronaldinhos, legjenda braziliane që ia dorëzoi personalisht trofeun Dembele-së, 20 vite pas fitores së tij në vitin 2005.

28-vjeçari, që këtë sezon fitoi katër trofe me PSG-në, përfshirë edhe Champions League, u përlot teksa përmendi vështirësitë që ka kaluar gjatë jetës dhe sakrificat e familjes. Në një moment emocionues, në skenë u ngjit edhe e ëma e tij, me të cilën ai pati një përqafim të ngrohtë para publikut.

Me një karrierë që ka kaluar nga Rennes, Borussia Dortmund, Barcelona e deri tek PSG, Dembele bëhet francezi i parë pas Zinedine Zidane në vitin 1998 që arrin të fitojë këtë çmim prestigjioz.

Në vendin e dytë, sipas votave të gazetarëve, u rendit Lamine Yamal, i cili mori edhe trofeun “Kopa” si talenti më i mirë i vitit, ndërsa në vendin e tretë u pozicionua Vitinha i PSG-së.