“Mos e bëj atë gabim”- Dumani përplaset ashpër me Erion Alibejn në sallën e gjyqit

Momente tensioni u regjistruan gjatë seancës së “Plumbit të artë”, ku bashkëpunëtorët e drejtësisë, Nuredin Dumani dhe Erion Alibej, u përplasën hapur për masakrën e Bradasheshit.

Konflikti nisi kur avokatët e të pandehurve pyetën Alibeajn rreth përfshirjes së vëllait të Dumanit, Dashnor Dumani, në ngjarjet e Bradasheshit. Alibej deklaroi se Dumani nuk kishte pranuar përfshirjen e tij, por shtoi se, për shkak të lidhjeve personale, nuk ka qenë i sinqertë në përgjigjet e tij.

Reagimi i Dumanit ishte i menjëhershëm dhe i fortë: “Ky është mashtrim, zonja gjyqtare. Mos e bëj atë gabim, mos e përmend më,” tha ai, duke krijuar tension në sallë.

Për shkak të situatës, trupi gjykues vendosi të nxjerrë Dumanin jashtë sallës, për të lehtësuar zhvillimin normal të seancës.

Kujtojmë se masakra e Bradasheshit ndodhi më 29.12.2018 , ku në një atentat me armë zjarri mbetën të vrarë Endrit Alibej (vëllai i Erionit), Arben Dylgjeri dhe shtetasi turk, Erdal Durunay.

LEXONI GJITHASHTU:

• ‘Çopja’| 5 milionë euro për vrasjen e Alibejt, do përdoreshin 3 dronë me 5 kg tritol
• Bandat e Elbasanit dhe tregu i kokainës, dëshmon Alibej: Si nisi përplasja me Çopjat
• “Betohem në Kuran, ta fal gjakun” Alibej dëshmon në GJKKO, zbulon bisedat me Dumanin