Rama takim në “Vilën 30” me kryetarin e Kuvendit dhe krerët e komisioneve

Kryeministri Edi Rama zhvilloi këtë të premte një takim në “Vilën 30” me kryetarin e Kuvendit, Niko Peleshi, si dhe me kryetarët e komisioneve parlamentare.

Mbledhja, e cila zgjati rreth 1 orë e 30 minuta kishte në fokus organizimin për nisjen e punës së komisioneve parlamentare, të cilat do të fillojnë punë zyrtarisht javën e ardhshme.

Bëhet me dije se në takim u diskutua dhe axhenda legjislative, bashkë me prioritetet kryesore që do të shqyrtohen në sesionin e ri parlamentar.

Në takim morën pjesë dhe ministrat e kabinetit, kryetari i grupit parlamentar të PS-së, Taulant Balla, si dhe ministri i Shtetit për Marrëdhëniet me Parlamentin, Toni Gogu.

Takime të tilla pritet të jenë periodike, sipas burimeve nga Partia Socialiste.

LEXONI GJITHASHTU:

• Rama: Veliaj vendim i detyruar, Ogerta ka gjithë mbështetjen e PS
• Rama: Tirana nuk mund të rrijë kokëkëputur, anketa tregon se PS fiton Tiranën