Prishtina pa sallë koncertesh, nis projekti 12 milionë euro, gëzim dhe dyshime mes artistëve

Koncerti operistik po mbahet në një sallë të improvizuar, që nuk plotëson as kushtet minimale për ngjarje të tilla kulturore.

Pas shumë vitesh mungesë, “Salla Koncertale e Prishtinës” ka nisur të ndërtohet, duke sjellë entuziasëm në komunitetin artistik.

Salla, që nuk do ndërtohet nga e para, por do te rivitalizohet në një objekt ekzistues, iu besua një arkitekti nga Japonia.

Përveç gëzimit për Sallën Koncertale, performuesit dhe përfaqësuesit e Filarmonisë së Kosovës, kanë edhe dyshimet e tyre.

Për këto dyshime përgjigje ka kreu i kulturës në Komunën e Prishtinës.

“Salla konceptuale duhet t’i plotësojë kushtet minimale pwr performaca tw orkestrws sw filarmonisw dhe ka qenw njw keqkuptim i vogwl, sepse një render shihet salla dhe duket e vogwl pjesa e skenës”, u shpreh  Adrian Berisha, drejtor i Kulturës në Prishtinë.

Drejtori Berisha, tregon se kostoja e përafërt për Sallën Koncertale do të jetë diku rreth 12 milion euro, edhe pse sipas tij, kjo shifër mund të ndryshojë kur të kenë projektin final.

Kjo shifër, për menaxherin e filarmonisë Selimaj është shumë e vogël, bazuar në koston që kanë pasur sallat koncertale në rajon, pa folur për Europën.

Po ashtu, Selimaj uron që projekti për Sallën Koncertale mos të ketë fatin e njëjtë me atë të Teatrit të Operës dhe Baletit, që nisi punimet, por që nuk u ndërtua kurrë.