Ambasadori i OSBE takim me Dumanin: Roli i SPAK, thelbësor për shtetin e së drejtës

30 Shtator 2025 | 16:37

Ambasadori i OSBE-së në Shqipëri, Michel Tarran, u takua me drejtuesin e SPAK, Altin Dumani, për të rikonfirmuar bashkëpunimin e ngushtë dhe konstruktiv midis Prezencës së OSBE-së dhe këtij institucioni të drejtësisë.

Ambasadori vlerësoi rolin kyç të SPAK-ut në forcimin e shtetit të së drejtës në vend, përmes ndjekjes penale të korrupsionit, forcimit të transparencës, integritetit dhe pavarësisë së sistemit gjyqësor.

Ai theksoi gjithashtu rëndësinë e punës së SPAK-ut në adresimin e krimeve zgjedhore gjatë zgjedhjeve parlamentare të këtij viti.

Gjatë takimit, Tarran dhe Dumani diskutuan për fushat aktuale dhe të ardhshme të bashkëpunimit, si dhe mënyrat për të rritur mbështetjen e OSBE-së në përputhje me objektivat strategjikë të SPAK-ut.

Ambasadori nënvizoi edhe rëndësinë e një qasjeje gjithëpërfshirëse me institucionet e tjera, për të adresuar çështje të tilla si përqindja e lartë e të paraburgosurve në Shqipëri.

Në këtë kuadër, OSBE po përgatit një trajnim të ri për parandalimin e pastrimit të parave, luftën kundër korrupsionit dhe bashkëpunimin ndërkombëtar në hetime komplekse.

Që nga viti 2021, Prezenca e OSBE-së ka bashkëpunuar ngushtë me SPAK dhe aktorë të tjerë të drejtësisë përmes projektit rajonal të monitorimit të proceseve gjyqësore, duke analizuar efektivitetin e reagimit gjyqësor ndaj korrupsionit dhe krimit të organizuar.

Aktivitetet e përbashkëta kanë përfshirë gjithashtu trajnime dhe tryeza të specializuara për prokurimet publike, kërkimin ligjor dhe kontratat PPP.

Prezenca e OSBE-së mbetet e përkushtuar për të mbështetur institucionet e drejtësisë në Shqipëri dhe për të avancuar reformën në drejtësi.

Home Kryefaqja
Shiko në: YouTube
Lajme të Sugjeruara

Babai i Martin Canit i bashkohet protestës kundër projektit në Zvërnec (VIDEO)

Po zhvillohet edhe këtë të enjte dita e pestë e protestës në Tiranë kundër projektit në Zvërnec. Në këtë marshim kanë marrë pjesë qindra qytetarë,...
19:25 | 04/06/2026

Rama nga Mali i Zi: Ta harrojnë të gjithë, po na kalon prap huq topi i historisë së Shqipërisë së Re Europiane

Kryeministri Edi Rama në një lidhje live nga Mali i Zi po zhvillon një bashkëbisedim lidhur me ivestimet. Bashkëngjitur, Rama iu ështe drejtyuar protesteusve të...
19:01 | 04/06/2026

Protestuesit kundra projektit të Zvërnecit mblidhen në bulevard, mbajnë 1 minutë heshtje për policin e vrarë në Maliq

Qytetarë dhe aktivistë u mblodhën këtë të enjte në Bulevardin “Dëshmorët e Kombit” në protestën e pestë radhazi kundër projektit për ndërtimin e një resorti...
18:48 | 04/06/2026