Tërmeti me magnitudë 6.9 ballë godet Filipinet qendrore, vriten 69 persona

Një tërmet i fuqishëm me magnitudë 6.9 ballë goditi Filipinet qendrore të martën vonë, duke vrarë të paktën 69 persona dhe duke plagosur shumë të tjerë, thanë zyrtarët. Qeveria po bën përpjekje për të kërkuar të mbijetuar dhe për të rivendosur furnizimin me energji elektrike dhe ujë.

Të paktën 14 banorë vdiqën dhe spitali u mbingarkua në Bogo, një qytet bregdetar në provincën Cebu me një popullsi prej rreth 90,000 banorësh, i cili ndodhet afërsisht 19 kilometra nga epiqendra e tërmetit të cekët. Autoritetet lokale thanë se numri i të vdekurve në qytet pritet të rritet.

Mbi një duzinë njerëzish u vranë gjithashtu në Medellin pranë Bogos kur u goditën nga rënia e tavaneve dhe mureve të shtëpive të tyre, njoftoi zyra e qytetit për zbutjen e fatkeqësive.

Dhe në San Remigio, gjithashtu pranë Bogos, pesë persona u vranë nga shembja e mureve ndërsa po përpiqeshin të iknin nga një ndeshje basketbolli që po ndiqnin kur goditi tërmeti, tha kryebashkiaku i qytetit Alfie Reynes për mediat lokale.

LEXONI GJITHASHTU:

• Zelensky: Situata në termocentralin bërthamor të Zaporizhias është kritike
• SHBA hyn zyrtarisht në mbyllje qeveritare, qindra mijëra punonjës federalë pa paga