Dy persona humbin jetën nga COVID-19 në Shqipëri, 33 raste të reja

Shifrat e të infektuarve me COVID-19 në vendin tonë duket se ngelen në po të njëjtat nivele. 33 janë të prekurit e 24 orëve të fundit.

Shifra e nxjerrë si rezultat nga kryerja e 2.512 testimeve është bërë me dije në lajmërimin e përditshëm të Ministrisë së Shëndetësisë.

Një qytetar nga Shkodra dhe një nga Korça nuk kanë mundur ta fitojnë dot betejën me virusin duke e çuar numrin e viktimave në 2.444 që prej fillimit të pandemisë.

Ndërkaq për fat të mirë 131 persona janë shëruar plotësisht duke e çuar numrin e qytetarëve që kanë kaluar COVID-19 në 128.732.

Në njoftim bëhet me dije se aktualisht në spitalet COVID po trajtohen 57 pacientë nga të cilët 8 pacientë janë në terapi intensive.

Ministria e Shëndetësisë ka apeluar për kujdes ndaj COVID-19 duke mbajtur maskën në çdo ambient dhe duke shmangur grumbullimet ndërkohë që ka bërë thirrje dhe për ruajtje të higjenës personale e distancës fizike.

Shpërndarja gjeografike e rasteve aktive sipas qarqeve:

Tiranë – 575

Korçë – 114

Shkodër – 86

Vlorë – 55

Elbasan – 42

Berat – 41

Lezhë – 35

Gjirokastër – 35

Fier – 23

Kukës – 14

Durrës – 12

Dibër – 1

LEXONI GJITHASHTU: 

• Një humbje jete në Shqipëri nga COVID-19
• Bie numri i rasteve të reja me COVID-19, 2 persona humbën jetën
• Mjeku Arban Domi: Qytetarët e vaksinuar me një dozë, të pambrojtur mirë nga COVID-19