Përfundojnë kampionatet kryesore në Europë, festojnë Lille, City dhe Inter

Pas 10 vitesh, Lille rikthehet tek titulli kampion. Skuadra franceze arriti që të siguronte në javën e fundit të Ligue 1 titullin e katërt në histori, pas një pritje 10 vjeçare.

Merr fund dhe dominimi i skuadrës së PSG-së, që edhe pse fitoi në ndeshjen e javës së fundit me Brest nuk bëri dot mrekullinë pasi edhe Lille fitoi 1-2 ndaj Angers.

Festë e çmendur dhe në rrugët e qytetit, ku tifozët iu gëzuan suksesit të shumëpritur, por dhe faktit që pas shtatë vitesh arritën që të zbrisnin nga froni sheikët e PSG-së.

Në Angli, Manchester City e kishte fituar prej disa javësh titullin, por vetëm ditën e djeshme trofeu i Premier League iu shtua galerisë së skuadrës së Pep Guardiolës. 

Një edicion i dominuar nga qytetarët, që tashmë kanë përqëndrimin te finalja e Champions League, trofeu i lakmuar prej vitesh, por të cilin nuk kanë mundur ta fitojnë asnjëherë.

Edhe në Itali ishte legjitime festa e Interit, që rikthehet tek titulli pas një dekade. Ziklatrit po ashtu e kishin arritur matematikisht vendin e parë prej disa javësh, por pas suksesit 5-1 me Udinezen titulli shkoi në duart e pronarëve të rinj.  

LEXONI GJITHASHTU: 

• Serie-A, Milani rikthehet në Champions, Juventus merr vendin e katërt
• Festojnë Bayern dhe Atletico Madrid, përfundojnë kampionatet në Gjermani e Spanjë
• Portieri i Liverpoolit shënon gol dhe mban gjallë shpresat për një vend në Champions League