BKH nis përzgjedhjen për hetues të rinj, 421 kandidatë kalojnë fazën e parë

Byroja Kombëtare e Hetimit ka mbyllur procesin e shqyrtimit të aplikimeve fillestare dhe përzgjedhjes së kandidatëve për hetues, ku nga 572 aplikues kanë kaluar fazën tjetër 421 kandidatë.

Kandidatët e kualifikuar do t’i nënshtrohen testit të arsyetimit logjik me shkrim që do të zhvillohet në Pallatin e Kongreseve. Aplikuesit që do të kalojnë këtë fazë, do t’i nënshtrohen testit të aftësive fizike në datat 1-4 qershor.

Deri tani, organika e BKH është plotësuar me 28 hetues ndërsa mbeten për t’u rekrutuar edhe 32 hetues të tjerë.

Për kandidatët ka rregullat strikte që duhen plotësuar para se të bëhen zyrtarisht hetues të asaj që duhet ndryshe dhe ‘FBI shqiptare’.

Në fazën e fundit, kandidatët kalojnë dhe përmes verifikimeve të Komisionit të Posaçëm të Verifikimit të Pasurisë dhe Figurës.

Verifikimi i kushteve të sigurisë realizohet nën vëzhgimin dhe monitorimin e Komisionit të Pavarur të Rishikimit, të caktuar nga misionet e Qeverisë së Shteteve të Bashkuara të Amerikës dhe Bashkimit Evropian në Shqipëri.

BKH është pjesë e Strukturës së Posaçme kundër Korrupsionit dhe Krimit të Organizuar (SPAK) dhe drejtohet nga Aida Hajnaj.