Katy Perry dhe Justin Trudeau kapen “mat” në jaht duke kaluar momente romantike

Këngëtarja Katy Perry është fotografuar në pushime me ish-kryeministrin kanadez Justin Trudeau. Thashethemet për një romancë janë “konfirmuar” pasi mediat ndërkombëtare kanë ndarë foto teksa ata ndajnë një puthje pasionante në jahtin e saj.

Thashethemet për romancën e tyre filluan të qarkullonin në korrik, kur ylli i popit dhe ish-politikani u panë duke darkuar së bashku në një restorant luksoz në Montreal, pikërisht kur Perry nisi turneun e saj botëror “Lifetime”. Këngëtarja kohët e fundit i dha fund fejesës së saj me partnerin e saj, Orlando Bloom.

Tani, duket se Perry ka ecur përpara dhe ka gjetur lumturinë me Trudeau-n. Fotot e publikuara nga Daily Mail e kanë kapur çiftin duke u përqafuar në jahtin e saj 24 metra, Caravelle, pranë brigjeve të Santa Barbara-s, Kaliforni.

Të dy duken krejtësisht të pashqetësuar që u panë, ndërsa ndanin momente intime në kuvertën e sipërme të jahtit. Në një moment, Trudeau u pa duke vendosur duart në të pasmet e Perry-t, ndërsa ajo mbante veshur një rroba banje të zezë, dhe ai doli pa bluzë me një palë xhinse.

Edhe pse as Perry dhe as Trudeau nuk kanë komentuar zyrtarisht për lidhjen, burimet për Daily Mail pohojnë se këngëtarja është e dashuruar.