Rezulton i pari deri tani, reagon Përparim Rama: Faleminderit nga zemra

Komisioni Qendror Zgjedhor në Kosovë ka nisur publikimin e votave të para të numëruara në 38 qendrat e votimit.

Deri më tani kryeqyteti i Prishtinës dominohet nga kandidati Përparim Rama nga radhët e partisë Lidhja Demokratike e Kosovës me 44.27% të votave. I dyti në garë renditet Hajrulla Çeku, kandidat i Lëvizjes Vetëvendosje me 26.50% të votave.

Kryetari i Prishtinës, Përparim Rama, ka reaguar pas mbylljes së vendvotimeve duke falënderuar qytetarët.

Kryetari Rama krahas një fotografie të publikuar ka shkruar “Faleminderit nga zemra, Prishtina e zemrës”.

Ashtu siç e parashikonin dhe exit poll-et, Përparim Rama do të dominojë rezultatin me një diferencë të ngushtë nga Hajrulla Çeko, por nuk është përjashtuar mundësia e një balotazhi.  Deri më tani janë numëruar 4 kuti votimi nga 268 në total.