Arrestohet Aldo Avdylaj, i shpallur në kërkim për vrasjen e Edmir Bregut

Forcat operacionale kanë arrestuar këtë martë në Tiranë Aldo Avdylin, i shpallur në kërkim nga SPAK për dosjen e fundit.

Ai akuzohet si organizator dhe bashkëdrejtues i grupit kriminal që ekzekutoi Edmir Bregun në vitin 2021 në Durrës.

Avdyli kishte zhvilluar komunikime me personazhin e njohur si “Rrumi” dhe për çështje që lidhen me toka në zonën e Gjirit të Lalzit. Ai është cilësuar me rrezikshmëri të lartë shoqërore.

Aldo Avdyli fshihej në një apartament pranë Kopshtit Zoologjik në Tiranë.

Vrasja e Edmir Bregut është planifikuar prej muajsh nga Aldo Avdylaj alias Elidon Avdylaj në bashkëpunim me Arben Mërkurin, Ermir Dedjan dhe një disa persona të tjerë, të cilët kanë role specifike, konkretisht si çuni i Bariut, i cili është vëzhgues i lëvizjeve të shënjestrës.

Në një bisedë të marrë nga dosja e SPAK zbulohen planet për tu takuar Aldo Avdylaj dhe çunin e Bariut nëpërmjet Arben Mërkurit. Gjithashtu Aldo Avdylaj kërkon që vrasja të kryhet sa më parë, por Mërkuri e këshillon të presë sa të qetësohet situata sepse ka shumë civilë vërdallë.

LEXONI GJITHASHTU:

• Vodhën naftë nga anija e sekuestruar në Durrës, SPAK çon për gjykim 11 persona
• Qytetari nga Bulqiza proteston në SPAK: Më kanë zvarritur çështjen prej 10 vitesh