Gjyqtaret shqiptare do të drejtojnë sfidën e UEFA Women’s Champions League

Gjyqtarja shqiptare Emanuela Rusta është caktuar nga UEFA për të gjykuar sfidën e fazës së grupeve në “UEFA Women’s Champions League” mes OL Lyonnais dhe St. Pölten, që do të luhet të mërkurën në orën 18:45 në “OL Stadium”.

Në këtë takim me rëndësi në arenën europiane, UEFA ka caktuar një ekip tërësisht shqiptar për drejtimin e ndeshjes.

Mirjeta Salla dhe Edjena Kapxhiu do të jenë asistente, ndërsa Eglantina Pjetrushaj do të mbajë detyrën e gjyqtares së katërt.

Në dhomën e VAR-it, Kreshnik Bajramaj do të mbështesë vendimet kryesore të sfidës, i ndihmuar nga asistenti i tij në AVAR, Albert Doda.

Ky përfaqësim i plotë i arbitrazhit shqiptar në një kompeticion të tillë prestigjioz është një tjetër konfirmim i besimit që UEFA vazhdon t’u japë gjyqtarëve shqiptarë, veçanërisht në takime me profil të lartë dhe nivel ndërkombëtar.