Dumani: Krimi i organizuar ka kërcënuar prokurorët e SPAK gjatë hetimeve

Drejtuesi i Prokurorisë së Posaçme (SPAK), Altin Dumani, deklaroi se prokurorët e kësaj strukture janë përballur me kërcënime serioze nga organizatat kriminale gjatë hetimeve për goditjen e tyre.

Në fjalën e mbajtur të martën në Komisionin Parlamentar të Ligjeve, Dumani theksoi se megjithëse presioni ndaj prokurorëve të SPAK ka qenë real dhe i fortë, ata kanë vazhduar punën me përkushtim dhe profesionalizëm.

“Prokurorët kanë rënë pre e kërcënimit nga organizatat kriminale. Kërcënime serioze, jo sa për t’u thënë. Megjithatë, ata i kanë përballuar dhe janë përballur me ta duke ndërtuar ndjekje penale të suksesshme,” – u shpreh kreu i SPAK.

Më herët gjatë raportimit për veprimtarinë e SPAK gjatë vitit 2024, Dumani bëri të ditur se janë evidentuar 16 grupe kriminale shqiptare me veprimtari ndërkombëtare, nga të cilat 10 janë goditur me veprime konkrete penale.

LEXONI GJITHASHTU:

• Deputetja e PD e pyet për “Aruban”, Dumani: Nuk njoh një çështje me këtë emër
• Dumani: Pas mbarimit të mandatit nuk do rikandidoj më për prokuror të SPAK