Aleatët evropianë zotohen për të blerë më shumë armë për Ukrainën

16 Tetor 2025 | 18:58

10 vende të tjera të NATO-s kanë nënshkruar atë që njihet si Lista e Kërkesave Prioritare për Ukrainën, gjatë takimit të shteteve anëtare në Bruksel ditën e mërkurë, në përpjekje për të furnizuar me armatime vendin e përfshirë nga lufta.

Akordi i ri financiar parashikon që aleatët evropianë të blejnë armatimet amerikane, të cilat më pas do të transferohen në Ukrainë.

Të dhënat e reja mbi ndihmën ushtarake perëndimore për Ukrainën flasin për një rënie me 43 për qind në muajt korrik dhe gusht, krahasuar me pjesën tjetër të vitit.

Të dhënat janë publikuar nga instituti gjerman “Kiel”, që regjistron mbështetjen me armatime dhe financiare për Kievin.

Lista e Kërkesave Prioritare për Ukrainën është thelbësore për zotimin e Evropës dhe Kanadasë për të marrë përsipër pjesën e madhe të barrës për sigurinë e Kievit, që vazhdon të vetëmbrohet nga pushtimi rus.

“Ne jemi në dijeni të faktit që Ukrainës i duhen disa armatime që vetëm Shtetet e Bashkuara mund t’i ofrojnë. Për shembull, sistemet “Patriot”, të cilat duhet t’i paguajnë aleatët”, deklaroi sekretari i përgjithshëm i NATO-s, Mark Rutte.

Në fillim të takimit, vetëm 6 vende, Holanda, Danimarka, Norvegjia, Suedia, Kanadaja dhe Gjermania ishin pjesë e Listës, por në takimin e së mërkurës 10 vende të tjera iu bashkuan nismës, pas presionit nga sekretari i përgjithshëm dhe Shtetet e Bashkuara.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026