Rusia godet rrjetin energjetik të Ukrainës, pak orë para takimit Trump-Zelensky

17 Tetor 2025 | 08:37

Disa orë përpara takimit në Uashington midis Presidentit ukrainas Volodymyr Zelensky dhe Presidentit të SHBA-së Donald Trump, autoritetet ukrainase thanë se gjatë natës, sulmet ruse ndaj objekteve energjetike në Ukrainë, shkaktuan ndërprerje të energjisë elektrike në të gjithë vendin.

Rreth tetë rajone ukrainase patën ndërprerje të energjisë elektrike pas breshërisë së sulmeve ruse, tha operatori kombëtar i energjisë i Ukrainës, Ukrenergo.

Sipas presidentit ukrainas, Rusia lëshoi më shumë se 300 dronë dhe 37 raketa drejt Ukrainës. Ai akuzoi Rusinë për përdorimin e municioneve shkatërruese dhe kryerjen e sulmeve të përsëritura në të njëjtin objektiv për të goditur ekipet e emergjencës dhe inxhinierët që punonin për të riparuar rrjetin e humbur më parë.

“Këtë muaj, rusët po e përdorin çdo ditë për të goditur infrastrukturën tonë energjetike,” tha Zelensky në një postim në Telegram.

Ky sulm rus është një nga bombardimet e rënda në rrjetin elektrik të Ukrainës dhe vjen pikërisht në kohën kur Zelensky kërkonë raketa amerikane, në mënyrë që të depërtojnë më thellë në Rusi, të cilat ai beson se do ta dekurajojnë Moskën në vazhdimi e luftës së saj.

Ndërkohë, infrastruktura e gazit natyror u dëmtua për herë të gjashtë këtë muaj, tha Naftogaz, kompania shtetërore e naftës dhe gazit e Ukrainës.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026