Rezoluta e PD-së për Serbinë, gazetari: Të gjitha partitë e përdorin patriotizmin

Gazetari Flogert Muça ka folur mbrëmjen e kësaj të shtune në Review me moderatoren Greta Topjana në Euronews Albania mbi rezolutën e propozuar të PD për genocidin serb në Kosovë.

Sipas gazetarit, të gjitha partitë gjejnë një moment për të përdorur patriotizmin si kredo politike.

“Të themi ca fakte: Shqipëria, Parlamenti i Shqipërisë ka votuar mbi 15 rezoluta që dënojnë genocidin e Serbisë në Kosovë, edhe atë të Srebrenicës. Nëse flasim nëse Shqipëria e ka bërë detyrën për çfarë kanë bërë serbët në Kosovë, e kanë bërë të gjitha. Nëse sa herë del një ngjarje dhe këto dalin se kush del më patriote se tjetra, kjo nuk është zgjidhje. Se i hodha dhe një sy para se të vija, dhe në 2022 PD e ka kërkuar rezolutën që është rrëzuar, që ishte momenti i foltores. Në çdo rast partitë politike çojnë rezoluta për të përdorur momentin. Të gjithë aktorët nuk vihet në dyshim që kanë dhimbshuri. Jam i bindur që të gjithë janë aty për ta mbështetur.” – tha Muça.

LEXONI GJITHASHTU:

• Jehonë në mediat ndërkombëtare për protestën për mbështetjen e UÇK në Tiranë
• “Liria ka emër!”, Rama tjetër reagim pas protestës për UÇK-në në Tiranë