Mosmarrëveshjet Kurti-Rama, gazetarja zbulon prapaskenat e nisjes së polemikave

Gazetarja Fatjona Mejdini ka folur në Review mbrëmjen e kësaj të shtune për moderatoren Greta Topjana në Euronews Albania lidhur me raportet Kurti-Rama, të cilat morën vëmendje edhe në polemikat e kësaj jave mbi protestën për mbështetjen e UÇK në Tiranë.

Mejdini tha se mosmarrëveshjet mes Kurtit dhe Ramës janë të hershme.

“Marrëdhëniet midis Kurtit dhe Ramës, siç duken të vështira, nuk janë marrëdhënie të sotme, edhe nuk kanë nisur sot por katër deri në pesë vite më përpara. Së fundmi janë shtuar situatat që i kanë thelluar këto mosmarrëveshje dhe e kanë çuar në këtë situatë që është i vështirë rikuperimi. Edhe së fundmi në këtë protestë u duk. Për herë të parë unë kam shkruar mbi këtë marrëdhënie në mars të vitit 2021, kur Kurti sapo fitoi në mënyrë bindëse në Kosovë. Mbaj mend që kur ai shkrim u publikua pati kritika, sepse e quajtën tensionin të ekzagjeruar. Koha e tregoi se janë më të mëdha. Fakti që dy kryeministra kanë marrëdhënie joekzistente është një lajm i keq.”-tha Mejdini.