GJKKO dënon me 7 vjet ish-drejtoreshën e Kadastrës Durrës, s’do bëjë asnjë ditë burg

GJKKO dënoi me 7 vite burg për pastrim parash kryer ne bashkëpunim ish-drejtoreshën e Kadastrës në Durrës Rajmonda Dashi.

Për shkak te gjykimit te shkurtuar dënimi për ish-zyrtaren zbret ne 4 vite e 8 muaj burg.

Megjithatë Dashi nuk do të bëjë asnjë ditë burg pasi dënimi i konvertohet në 3 vite shërbim prove.

GJKKO ka vendosur t’i heqë edhe masat e sigurisë detyrim paraqitje dhe ndalim dalje jashë shtetit ish-drejtoreshës së Kadastrës Durrës.

Rajmonda Dashi u shpall fajtore për kryerjen e veprës penale “Pastrimi i produkteve të veprës penale ose veprimtarisë kriminale”, kryer në bashkëpunim.

Gjykata e Posaçme Kundër Korrupsionit dhe Krimit të Organizuar dënoi me rreth 22 vite burg 3 të pandehurit e tjerë Besjan Ramaj, Leonard Ramaj (vëllezër) dhe Ardjan Malasi të akuzuar për veprat penale “Pastrimi i produkteve të veprës penale ose veprimtarisë kriminale” e “Grupi i strukturuar kriminal”.

Dy vëllezërit dyshohet se me ndihmën e ish-drejtoreshës së Kadastrës në Durrës, Rajmonda Dashi dhe biznesmenit Ardian Malasi, kishin ndërtuar një skemë të pastrimit të parave të drogës përmes investimit në pasuri të paluajtshme.

LEXONI GJITHASHTU:

• Pastruan para droge, SPAK çon për gjykim ish-drejtoreshën e kadastrës dhe 3 persona
• Përdorën ish-drejtuesen e Kadastrës për të pastruar paratë, kush janë 2 vëllezërit