Trupa britanike vendosen në Izrael për të monitoruar armëpushimin në Gaza

Britania ka dërguar një komandant të lartë dhe një numër trupash në Izrael për të ndihmuar përpjekjet ndërkombëtare për të monitoruar një armëpushim të brishtë në Gaza, pas një kërkese amerikane.

Sekretari i mbrojtjes, John Healey zbuloi vendosjen e trupave vetëm një javë pasi sekretarja e re e jashtme, Yvette Cooper tha se Mbretëria e Bashkuar nuk kishte plane për të dërguar ushtarë.

Oficeri britanik do të punojë si zëvendës i një komandanti amerikan, i cili është i ngarkuar me drejtimin e një qendre koordinimi civil-ushtarak që pritet të përfshijë gjithashtu trupa nga Egjipti, Katari, Turqia dhe Emiratet e Bashkuara Arabe.

Healey u shpreh se marrëveshja e armëpushimit, e ndërmjetësuar nga presidenti Donald Trump, midis Hamasit dhe Izraeli ka krijuar mundësinë për një paqe afatgjatë.