Gjallërohet turizmi në prill, rritet me shpejtësi numri i shtetasve të huaj që hyjnë në Shqipëri

Nëse i referohemi fluksit të qytetarëve, turizmi këtë vit është në hapat e duhur.

Sipas Institutit të Statistikave (INSTAT), hyrjet e shtetasve të huaj janë rritur me shpejtësi dhe ndikimin më të madh e kanë pasur qytetarët nga Kosova.

Hyrjet e shtetasve të Kosovës janë 21% më të larta se në katër mujorin e parë të vitit 2019 ndërsa në përgjithësi hyrjet e shtetasve të huaj janë 31% më pak se para pandemisë.

Në prill të këtij viti raporti sugjeron se në Shqipëri kanë hyrë 466.283 të huaj, 18.5 herë më shumë se në prill të vitit të shkuar.

Pas pandemisë, rëndësia e turizmit nga Kosova është rritur ndjeshëm dhe konkretisht sipas studimeve të INSTAT pesha e këtyre turistëve është rritur me 51%, nga 29% që ka qenë në katër muajt e fundit.

LEXONI GJITHASHTU: 

• Në Vlorë vuajnë për staf, bizneset e turizmit në alarm nga mungesa e krahut të punës
• Turizmi në Pogradec, nënkryetarja e Bashkisë: Në këtë sezon veror do ketë edhe guida malore për turistët
• Turizmi në Evropë, Kroacia dhe Spanja gati për sezonin, por turistët mbeten të pakët