Erdogan: Turqia është e gatshme të presë samitin Rusi-SHBA

Presidenti turk, Recep Tayyip Erdogan, njoftoi këtë të premte se është i gatishmëm për të pritur një samit Rusi-SHBA në tokën turke.

Sipas tij, rëndësia e Turqisë dhe e Stambollit në arritjen e një zgjidhjeje paqësore në Ukrainë është bërë edhe një herë e dukshme.

“Ne jemi të gatshëm të organizojmë bisedime mbi Ukrainën në çdo kohë. Është për të ardhur keq që takimi në Budapest nuk u zhvillua. Ne besojmë se çdo dialog do të kontribuojë në përfundimin e kësaj lufte.

Që nga fillimi, ne e kemi kërkuar këtë dhe kemi punuar që kjo të ndodhë. Ne kemi marrëdhënie të mira me të dyja palët dhe kemi fituar besimin e tyre. Kjo na jep një avantazh në rrugën drejt paqes dhe ne jemi të vendosur ta shfrytëzojmë atë në dobi të njerëzimit”, u tha ai gazetarëve kur u pyet për perspektivat e bisedimeve midis presidentëve të Rusisë dhe Shteteve të Bashkuara dhe të ardhmen e negociatave të Stambollit për Ukrainën.

LEXONI GJITHASHTU:

• Kryebashkiaku i Stambollit akuzohet për spiunazh me Izraelin
• Trump hedh poshtë përpjekjet e izraelit për të aneksuar Bregun Perëndimor