Trump hedh poshtë përpjekjet e izraelit për të aneksuar Bregun Perëndimor

Presidenti i Shteteve të Bashkuara, Donald Trump, hodhi poshtë të enjten përpjekjet e disa ligjvënësve izraelitë për të aneksuar Bregun Perëndimor, duke deklaruar se Izraeli “nuk do të bëjë asgjë me Bregun Perëndimor”.

Një ditë më parë, parlamenti izraelit kishte miratuar paraprakisht një projektligj që synon zbatimin e ligjit izraelit në Bregun Perëndimor, një hap që do të përbënte aneksim të territorit që palestinezët e shohin si pjesë të një shteti të ardhshëm të pavarur.

“Mos u shqetësoni për Bregun Perëndimor. Izraeli nuk do të bëjë asgjë”, u tha Trump gazetarëve në Shtëpinë e Bardhë.

Deklarata e presidentit amerikan vjen në një moment kur tensionet në rajon mbeten të larta dhe kur bashkësia ndërkombëtare i ka bërë thirrje Izraelit të përmbahet nga çdo veprim që mund të minojë përpjekjet për paqe mes izraelitëve dhe palestinezëve.

Shumë analistë e kanë interpretuar reagimin e Trumpit si përpjekje për të shmangur një krizë të re diplomatike në Lindjen e Mesme, në një kohë kur administrata e tij është përfshirë në nisma të ndryshme për stabilitetin rajonal.

LEXONI GJITHASHTU:

• Venezuela vendos trupa ushtarak përgjatë vijës bregdetare kundër sulmeve amerikane
• Presidenti i Ekuadorit: Si donin të më eliminonin me çokollata të helmuara