Baba Mondi kujton Baba Haxhiun në përvjetorin e vënies së bustit në Mallakastër

Në përvjetorin e vendosjes së bustit të Baba Haxhiut në fshatin Ninësh të Mallakastrës, Kryegjyshi Botëror i Bektashinjve, Baba Mondi, ka shprehur respektin dhe mirënjohjen e thellë për figurën e klerikut të shquar bektashi, i cili mbetet një simbol i qëndresës, besimit dhe përçimit të vlerave njerëzore në komunitet.

Në fjalën e rastit  Baba Mondi theksoi rëndësinë e ruajtjes së trashëgimisë shpirtërore dhe kujtesës historike të personaliteteve që kanë kontribuar me përkushtim për paqen, harmoninë dhe besimin. Ai u ndal edhe te roli i Baba Haxhiut si udhëheqës shpirtëror, i cili la gjurmë të thella te besimtarët dhe banorët e zonës, duke u bërë shembull i përulësisë dhe i humanizmit.

“Pjesëmarrja e sotme është dëshmi se besimi në Zot në Mallakastër sa vjen dhe rritet dhe kjo është një tjetër vlerë e kësaj treve”, theksoi në fjalën e tij përshëndetëse kryebashkiaku Qerim Ismailaj.

Për komunitetin e Ninëshit dhe të gjithë Mallakastrës, ky përvjetor është një moment reflektimi dhe nderimi për një figurë që vazhdon të frymëzojë brezat e sotëm dhe të ardhshëm, ndërsa busti i tij mbetet një simbol i përhershëm kujtese dhe nderimi.

LEXONI GJITHASHTU:

• Festa e Sulltan Novruzit, Baba Mondi: Të kujdesemi për paqen dhe sigurinë
• Besimtarët bektashinj kremtojnë ditën e ashures, Baba Mondi: Bëni për vepra të mira