Rizgjidhet presidenti i Kamerunit për një mandat të 8, raportohen të shtëna me armë

Presidenti i Kamerunit, Paul Biya, ka siguruar një mandat të tetë në detyrë, sipas rezultateve zyrtare të shpallura të hënën nga Këshilli Kushtetues i vendit.

Biya, që në moshën 92-vjeçare është sundimtari më i vjetër në detyrë në botë, fitoi 53.66% të votave, ndërsa sfiduesi kryesor, Issa Tchiroma Bakary, ish-aleat i tij politik, mori 35.19%.

Një mandat i ri shtatëvjeçar mund ta mbajë udhëheqësin veteran në pushtet deri në moshën gati 100 vjeç, duke zgjatur një epokë politike që ka nisur në vitin 1982.

Rezultatet u pasuan nga përleshje të dhunshme mes protestuesve të opozitës dhe forcave të sigurisë, pas akuzave për parregullsi në procesin zgjedhor. Qeveria kamerunase nuk ka komentuar zyrtarisht mbi rezultatin apo incidentet e raportuara, ndërsa ka hedhur poshtë akuzat e opozitës për manipulim të votave.

Pas shpalljes së rezultateve, sfiduesi i Biya-s, Tchiroma, njoftoi në një postim në Facebook se dy persona janë vrarë pasi janë qëlluar me armë zjarri jashtë shtëpisë së tij në qytetin verior të Garouas.